Kringlukráin var opnuð fyrir gestum á bjórdaginn, 1. mars árið 1989. Fyrst um sinn var hún einungis hugsuð sem krá með léttan skyndibita en hefur síðan þróast yfir í veitingahús með fjölbreyttan og vandaðan matseðil, þar sem allir ættu að finna eitthvað við sitt hæfi. Við leggjum áherslu á að skapa vinalegt og fjölskylduvænt andrúmsloft, þar sem ungir jafnt sem aldnir ættu að njóta sín. Á Kringlukránni er haldið í hefðirnar og gestum komið skemmtilega á óvart með íslenskum kræsingum á tyllidögum. Meðal annars Þorláksmessuskötu, þorramat, saltkjöt og baunir o.fl.

Leikhúsgestir

Kringlukráin býður leikhúsgestum upp á vandaða tilboðsmatseðla öll sýningarkvöld Borgarleikhússins fyrir leiksýningar. Æskilegt er að gestir sem eru á leið í leikhús og ætla að nýta sér þessa þjónustu, panti borð tímanlega og komi í mat helst ekki seinna en kl. 18 svo að hægt sé að vanda vel alla framsetningu bæði í þjónustu, mat og drykk.

Skemmtanir

Kringlukráin er fyrirtaks staður til tónleikahalds. Allar helgar í áraraðir höfum við boðið upp á dansleiki um helgar, þar sem margar af skærustu stjörnum íslenskrar tónlistar hafa stigið á svið í gegnum árin. Dagskrá næstu helga má finna á viðburðadagatalinu hér ofar á síðunni

Einkasamkvæmi, Fundir, Ráðstefnur

Í hliðarsalnum okkar bjóðum við til viðskiptavinum afnota skjávarpa, hljóðkerfi, öll afspilunartæki og ræðupúlt. Þar af leiðandi hentar hann vel fyrir námskeiðahald og fyrirlestra. Kostur er á hverskonar sætauppröðun og margvíslegum veitingum. Hliðarsalurinn er einnig kjörinn fyrir einkasamkvæmi. Hægt er að velja um sitjandi eða standandi samkvæmi. Staðurinn hefur á að skipa frábærum kokkum og vinalegu þjónustufólki. Við tökum að okkur að skipuleggja boð og samkvæmi ef óskað er. Þá setjum við saman sérstakan veislumatseðil; smárétti, hlaðborð eða sérstaklega framreiddan mat.